下地勇 誇り 歌詞

歌：下地勇

作詞：下地勇

作曲：下地勇

君達ん語らしば 毎夜夜ぬ明きすきゃーどぅ
我達を語りうー
昔からくまんうーんぎなり
君達まーんてぃゆーどぅ知しーがみうー
あし 歪ふがみにゃーんさい

夜や明きー いつまいぬ朝
君達あーしゅうにゃーし 我達動きうらん
着しゅう服うどぅ 語らいうーんぎむぬ
魂がみや 覗かいんむぬ

君達が捨てぃぴす石うどぅ
我達やがいがいちどぅ拾いまーりゅう
我達がふみやみーん靴うどぅ
君達ぁ自慢りうー

あすが心配ぁ無んどー 我達ぁ昔からどぅ
君達を受き入りーどぅうー
いぎゃんまい何まい無んどー 我達今からまい
君達を受き入りーいかでぃ

雨や降い いつまいぬ夜
君達ぁ 我達んかいなすぶすかーな?
傘ぬ下んかいや ぷじ入い来う
あすがならいんてぃ知しゅう人や 君達だらっさ
君達が遊ぴ回りゅう場所あ
我達が仕事場んどぅなりゅう
我達が憩う場所をどぅ
君達ぁ調び回りゅう

あすが何まい心配ぁ無んどー 我達ぁ昔からどぅ
善うかーにゃーんしーどぅ来しゅう
あしばいぎゃんまい何まい無んどー 我達ぁ明日からまい
善うかーにゃーんしーいかでぃ

あすが心配ぁ無んどー 何まい心配ぁ無んどー
悪事や何まい無んど

何ぬが善うかーが あしてぃ何ぬが悪かーが
何ゆ持ちゅうらだかならんが あしてぃ何ゆ捨てぃでぃが
誰がらゆ見いうーてぃ 考いすむぬやあらん
誰がらぬ言葉し 変いす事まいあらん
あすが 今からまい付きーどぅ来す いつがみまいたばりーどぅ来す
子供達ぬ時代 孫達ぬ時代がみ
まーつき連りー まつき連りー まーつき連りー まーつき連りー
まーつき連りー まーつき連りー いつがみまい

あすが心配ぁ無んどー 何まい心配ぁ無んどー
悪事や何まい無んどー

いぎゃんまい何まい無んどー 我達ぁいぎゃんまい何まい無んどー
今からまい我達ぁ 今からまい受き入りーいかでぃ

心配ぁ無んどー 心配ぁ無んんどー 心配ぁ無んどー
悪事や何まい 悪事や何まい無んやば

いぎゃんまい何まい無んてぃあーしば
今からまいいぎゃんまい何まい無んてぃあーしば
あしば今から我達ぁ君達を 受き入りーいかでぃ