誇らさよ／よなは徹 歌詞

歌：よなは徹

作詞：上原 直彦　作曲：與那覇徹

上がらん雨んち　あいびーみ
明きらん夜んち　あいびーみ
雨風　嵐　世ぬならい
歌ん歌とぉてぃ　暮らさびら
総しんか揃りーや　ウネ!　頼まさぬ

流する涙　うしぬぐてぃ
笑らたい誇くたい　何時ぁ一緒
渡いる浮世　なだやしく
何時ん福々　歩まびら
総しんか揃りーや　ヒヤ!　頼まさぬ

花数美らじゅら　咲ち誇てぃ
人々情ぬ　色深く
親子兄弟　睦ましく
うちなぁんちゅぬ　しるしさみ
総しんか揃りーや　ウネ!　いそぉさぬ

東西南ん　また北ん
春夏秋冬　花盛い
世界ぬ人々　寄い所
神ぬ島さみ　くぬうちなぁ
総しんか揃りーや　ヒヤ!　島栄ぇ

御太陽加那志ん　拝がどぉてぃ
御月加那志に　願立てぃてぃ
星ぬ数程　幸しん
身に受き共に　暮さびら
総しんか揃りーや　ウネ!　誇らさぬ